'Widows' Web,' pataas nang pataas ang ratings!

By Dianne Mariano

Published On: March 15, 2022, 03:26 PM

Updated On: March 15, 2022, 04:57 PM

Muling nakakuha ng mataas na ratings ang kauna-unahang suspenserye ng GMA-7, ang Widows' Web.

Matatandaan na umani rin ng high ratings ang pilot at ikaapat na episodes ng programa kung saan pareho itong nakakuha ng 10.4 combined ratings.

Noong March 10, nakakuha ang ika-siyam na episode ng 9.5 percent combined ratings, ayon sa NUTAM People Ratings, mas mataas sa nakuha ng katapat nitong palabas na nakakuha lamang ng 8.4 percent.

Photo courtesy: GMA Drama (Facebook)

Tumaas naman ang nakuhang ratings ng programa sa sumunod na episode dahil umani ito ng 10 percent combined ratings habang ang katapat na programa ay nakakuha lamang ng 7.9 percent.

Photo courtesy: GMA Drama (Facebook)

Mga Kapuso, marami pa kayong dapat abangan na kapana-panabik na mga eksena tuwing weeknights sa Widows' Web.

Patuloy na subaybayan ang Widows' Web tuwing Lunes hanggang Biyernes, 8:50 p.m. sa GMA Telebabad pagkatapos ng First Lady.

Samantala, silipin ang behind-the-scenes ng lock-in taping ng Widows' Web sa gallery na ito.

Tags:

carmina villarroel, ashley ortega, pauline mendoza, vaness del moral, widows web